Навіны

Марш памяці Рамана Бандарэнкі

Так зараз выглядае „Плошча Перамен” у Менску.

У сталіцы перакрылі вуліцу Прытыцкага. Увесь транспарт едзе ў аб’езд.

Фота: Тут.бай

Скапленне спецтэхнікі непадалёк ад будынка Адміністрацыі прэзідэнта, у 10.50 .

У Менску адключаны мабільны інтэрнэт. Доступ у сетку пачаў знікаць а 9-й гадзіне. Таксама  ў сталіцу сцягваецца вайсковая і спэцтэхніка.

Фота: Тут.бай

Закрыты Менскі метрапалітэн: станцыі Плошча Перамогі, Кастрычніцкая, Плошча Якуба Коласа. Закрытыя ўсе станцыі ад Купалаўскай да Кунцаўшчыны ўключна, усе станцыі трэцяй лініі. Цягніка ідуць без прыпынку на гэтых станцыях.

Закрыты выхад са станцыі Плошча Леніна ў бок плошчы Незалежнасці.

Фота: скрыншот з відэа  

* * * 

Шэраг Telegram-каналаў апублікаваў заклік выйсці на традыцыйны нядзельны Марш. Гэтым разам ён прысвечаны Герою Беларусі Раману Бандарэнку.

Апошнім паведамленнем Рамана Бандарэнкі было: “Я – выходжу”.

Кожны мае магчымасць сказаць: «Я – выходжу» і выйсці. Мы выйдзем за сябе, за нашых сяброў, якія знаходзяцца ў засценках, за Рамана, за свабодную Беларусь! – пішуць у тэлеграм-каналах.

Пачатак маршу а 12-ай гадзіне. Збор на Праспекце Незалежнасці ў Менску, а таксама ў цэнтрах іншых гарадоў Беларусі.

Беларускае Радыё Рацыя

Чытай больш на: https://www.racyja.com/hramadstva/kozhny-mae-magchymasts-skazats-ya-vykhod/

15.11.2020
Крыніца: Беларускае Радыё Рацыя

Відэа

праваабарончыя сайты