Навіны

Беларуская мова – гэта гарантыя бяспекі і незалежнасці нашай краіны

Заява з такой назвай была прынята дэлегатамі юбілейнага, дваццатага з’езда партыі БНФ, і шаснаццатага з’езда Беларускага народнага фронту „Адраджэнне”. У заяве сказана, што немагчыма развіццё Беларусі як незалежнай, самадастатковай краіны без моцнай сувязі беларусаў з нацыянальнымі каштоўнасцямі, дзе асноўнай каштоўнасцю нацыі з’яўляецца мова.

Кажа намеснік старшыні партыі БНФ Вадзім Саранчукоў:

– Для таго, каб Беларусь сапраўды стала заможнай, свабоднай, незалежнай і бяспечнай, трэба правесці цэлы комплекс розных мерапрыемстваў, і ў тым ліку аднаўленне беларускіх СМІ, беларускай царквы. Аднаўленне і стымуляцыя беларускага бізнэсу, аднаўленне беларускай мовы, школы, універсітэта.

Мы адмыслова заклікалі ўсе сферы беларускага грамадства больш пільна і больш эмацыйна карыстацца беларускай мовай як у сферы ўласнай камунікацыі, так і ў сферы бізнэсу і палітыкі.

Злачынная палітыка Лукашэнкі на знішчэнне ўсяго нацыянальнага, загнанне ў кут беларускай дзяржаўнай мовы здавалася магла цешыцца перамогай. Але паўсталі ў час мірнага гневу грамадзянаў нацыянальныя сімвалы – бел-чырвона-белы сцяг, герб „Пагоня”. Цяпер задача за большым – вярнуць беларускай мове статус адзінай дзяржаўнай як асновы нацыянальнай бяспекі.

Якуб Сушынскі, Беларускае Радыё Рацыя

Чытай больш на: https://www.racyja.com/hramadstva/belaruskaya-mova-geta-garantyya-byaspek/

09.11.2020
Крыніца: Беларускае Радыё Рацыя

Архіў

Сакавік 2021
1234567
891011121314
15161718192021
22232425262728
293031

Відэа

праваабарончыя сайты