Навіны

Палата Прадстаўнікоў не бачыць відавочнага парушэння права на абарону ў адміністрацыйным працэсе

Праваабаронца са Смаргоні Алесь Дзергачоў 28 кастрычніка 2018 г. звярнуўся ў Палату прадстаўнікоў з прапановай удасканаліць Працэсуальна выканаўчы кодэкс аб адміністрацыйных правапарушэннях у частцы парадку абскарджання не ўступіўшых у законную сілу рашэнняў судоў па адміністрацыйных справах.
У прапанове ён адзначыў, што вельмі часта ў такіх справах зацікаўленымі бакамі з’яўляюцца мясцовыя  органы унутраных спраў, якія складаюць пратаколы аб адміністрацыйных правапарушэннях, і грамадзяне, якія прыцягваюцца да адказнасці па пратаколах. Дзеючым жа заканадаўствам прадугледжваецца, што у выпадку нязгоды з пастановай суда скаргу на яе ў вышэйстаячы суд зацікаўлены бок падае толькі ў адным асобніку. У выніку другі бок не ведае сутнасці скаргі, а таму пазбаўлены магчымасці рэалізаваць сваё права на абарону.
Літаральна праз 3 дні, то бок 1 лістапада, Алесь Дзергачоў атрымаў адказ за подпісам намесніка старшыні Пастаяннай камісіі Палаты прадстаўнікоў Нацыянальнага сходу па правах чалавека, нацыянальных адносінах і сродках масавай інфармацыі Валянціны Ражанец. У ім выкладзена меркаванне, што парадак абскарджання і апратэставання судовых пастаноў адпаведным заканадаўствам урэгуляваны дастаткова поўна, а таму няма падстаў для ўдасканалення.

Каментуючы дадзены адказ, Алесь Дзергачоў выказаў шкадаванне, што да разгляду прапановы не прыцягнуты спецыялісты, якія займаюцца правапрымяняльнай практыкай, а таму ведаюць дадзеную праблему. З сутнасці адказу таксама вынікае, што прапанова нават не была вынесена на разгляд пастаяннай камісіі. Таму такі адказ можна лічыць звычайнай адпіскай. А каб заканадаўчы працэс крыху ажывіць, Палаце прадстаўнікоў трэба змяніць свой рэгламент, каб прапановы простых грамадзян аб удасканаленні заканадаўства ўсебакова разглядаліся.

09.11.2018

Архіў

Лістапад 2018
1234
567891011
12131415161718
19202122232425
2627282930

Відэа

праваабарончыя сайты