Навіны

У жніўні Зэльва адзначыць 760-годдзе

Юбілейныя ўрачыстасці з нагоды 760-х угодкаў гарадскога пасёлка Зэльва пачнуцца ў чацвер, 23 жніўня.

У гэты дзень у Зэльвенскай раённай бібліятэцы адбудзецца навуковая канферэнцыя “Гістарычная спадчына Зэльвы – погляд з сучаснасці”, у якой прымуць удзел навукоўцы, краязнаўцы, бібліятэкары і настаўнікі.

У пятніцу, 24 жніўня, на Зэльвенскім вадасховішчы адбудуцца раённыя спаборніцтвы аматараў рыбнай лоўлі “Рыбаловы”, а таксама першынство Гарадзенскай вобласці па лоўлі рыбы летняй вудай.

У цэнтральным скверы Зэльвы яе жыхары і госці пасёлка пазнаёмяцца з фотагалерэяй знакамітых землякоў Зэльвеншчыны “Алея землякоў”, з выставай-конкурсам дэкаратыўна-прыкладнога мастацтва сярод арганізацый і ўстаноў пасёлка “Творчая фантазія”. У гэты дзень адбудзецца і раённы пленэр-конкурс “Эцюды Зэльвеншчыны”.

А на стадыёне “Колас” аматары спорту паглядзяць футбол паміж камандамі Зэльвы і адной з аматарскіх каманд Польшчы.

Барыс Баль, Беларускае Радыё Рацыя, Зэльва

Чытай больш на: https://www.racyja.com/hramadstva/u-zhniuni-zelva-adznachyts-760-goddze/

13.08.2018
Крыніца: Беларускае Радыё Рацыя

Відэа

праваабарончыя сайты