Навіны

Новы нумар альманаху „Горад святога Губерта” – пра адукацыю

У гарадзенскім Цэнтры гарадскога жыцця адбылася прэзентацыя альманаху „Горад святога Губерта”, які гэтым разам быў прысвечаны гісторыі адукацыі ў Гародні.

Яго рэдактарка Іна Соркіна паведаміла, што цэнтральнае месца публікацыяў аддавалася менавіта беларускай школе ў Гародні і яе стогадоваму юбілею.

– Гэта тэксты Андрэя Чарнякевіча і Уладзіміра Ляхоўскага, Аляксандра Кроя, Аляксандра Госцева. Сярод тэм нумару – яўрэйская адукацыя ў нашым горадзе, польская адукацыя ў нашым горадзе ў міжваенны час, а таксама праблема сучаснага беларускага школьніцтва. Матэрыялы Андрэя Чарнякевіча, якія ідуць дадаткамі да яго асноўнага артыкулу, гэта ўпершыню надрукаваныя спісы вучняў беларускіх школ, гэта біяграмы беларускіх настаўнікаў у Гародні. І ў гэтым як раз навізна дадзенага выдання.

Падчас прэзэнтацыі альманаху аўтары і выступоўцы з сумам адзначылі цярністы шлях беларускай асветы і яе сціплае месца ў асяроддзі сем’яў беларускіх нацыянальных дзеячаў цяпер.

Кажа прафесар Аляксей Пяткевіч:

– Дзеці ўсіх гэтых аратараў і майстроў гаварыць пра сваю адраджэнскую ідэалогію, дзеці гэтых аратараў, унукі, праўнукі – ці адправілі яны іх у беларускія класы хаця бы ў Гародні, ці ў іншых гарадах? Гаварыць мы ўмеем, а як справу рабіць – на гэта нас не хапае.

Выданне альманаха ажыццёўлена дзякуючы падтрымцы „Цэнтра гарадскога жыцця”, „Гарадзенскай бібліятэкі”, абласной арганізацыі Таварыства Беларускай мовы імя Францішка Скарыны.

20171110_18135020171110_18142220171110_18193220171110_18460220171110_18460420171110_18462020171110_19003320171110_19132220171110_19244420171110_19244820171110_19324020171110_194217

 

Якуб Сушчынскі, Беларускае Радыё Рацыя

Фота аўтара

Чытай больш на: https://www.racyja.com/kultura/novy-numar-almanakhu-gorad-svyatoga-gu/

12.11.2017

праваабарончыя сайты